Description

आफ्रोडायटी ही सौंदर्य आणि प्रेमाची ग्रीक देवता. प्रॅक्सिटेल्स नावाच्या प्रख्यात ग्रीक शिल्पकाराने इ. स. पूर्व चौथ्या शतकात या आफ्रोडायटी देवीचं शिल्प साकारलं. हे शिल्प निर्वस्त्र होतं. असं म्हणतात की हे शिल्प इतकं अप्रतिम आणि मादक होतं की एका दंतकथेनुसार ‘प्रॅक्सिटेल्सने मला निर्वस्त्र केव्हा बघितलं?’ असा प्रश्न स्वतः देवी आफ्रोडायटीनेही विचारला असता तर ज्या तरुणीकडे बघून शिल्पकाराने हे शिल्प चितारलं ती फ्रायनी एक हेटायरा hetaira होती. दिसायला देखणी आणि तेवढीच हुशार, तरबेज वाक्चतुर आणि सुशिक्षित वेश्या म्हणजे Hetaira! तिच्या आयुष्यात एकावेळी एकच पुरूष असायचे आणि ती बराच काळ एकत्र घालवायची अन्वयार्थ काही काळापुरती सहचारिणीच. पुरुषांना केवळ शारीरिक सुखच नाही तर त्यांचं बौद्धिक मनोरंजन करण्याचंही काम या hetaira करायच्या. अशा या फ्रायनी ची विलक्षण आणि चित्तथरारक प्रेमकहाणी गुंफली आहे कादंबरीकार नरेंद्र नाईक यांनी!